Abanca permite xestionar os seus seguros e realizar transferencias inmediatas desde o móbil

Abanca lanza unha nova versión da súa aplicación de banca móbil que incorpora novas funcionalidades, como xestionar os seguros contratados coa entidade e realizar transferencias inmediatas. "Os seguros forman parte do ADN de Abanca e son unha das prioridades estratéxicas da entidade, polo que quixemos facilitar aos nosos clientes a súa xestión e contratación permitíndolles facelo comodamente desde o seu móbil", sinalou Álvaro García Diéguez, director xeral de Abanca Seguros. 

Ademais, explicou a entidade, o cliente poderá informar directamente á compañía de calquera sinistro que sufra e, proximamente, tamén estará dispoñible a posibilidade de consultar o último recibo de cada seguro, modificar algún aspecto ou cambiar as características.

MÁS XESTIÓNS. Ademais de todo o relacionado coa operativa de seguros, a nova versión da banca móbil de Abanca inclúe outras posibilidades como a de enviar transferencias de forma inmediata aos bancos europeos que admitan esta operativa. 

Os clientes tamén poderán imprimir ou enviar o xustificante que se xera ao realizar unha transferencia e pagar desde o móbil os recibos que teñan pendentes.