A alerta pola presenza de carabela portuguesa esténdese tamén ás praias do Grove

09/abr./18 - 15:54 Actualizado: 10/abr./18 - 16:23

A perigosa carabela portuguesa —moi semellante a unha medusa— chegou tamén ás praias do Concello do Grove, despois de que se descubrisen algúns exemplares mortos en areais de Sanxenxo. Trátase dunha especie venenosa que pode causar doenzas de gravidade ou incluso a morte, polo que os servizos de urxencias de ambos os municipios prohibiron o baño e instado os veciños a extremar as precaucións.

Nesa liña, advirten de que o risco persiste incluso logo da morte do organismo, polo que as autoridades chaman os propietarios de mascotas a que se manteñan alerta se levan os seus animais a pasear polas praias. En caso de contacto accidental ou picadura é recomendable lavar a zona con auga do mar (non doce) ou vinagre.