A Asociación Animalista Libera e a Fundación Franz Weber propuxeron este sábado o establecemento dun imposto especial á caza "para contrarrestar o seu terrible impacto sobre o medio natural e sobre os animais".
Tal como sinalaron ambas as asociacións nun comunicado, cada ano vértense sobre os montes galegos "centos de miles de perdigóns de chumbo", un metal "altamente tóxico" que, segundo os animalistas, "contamina acuíferos, pastos e aos propios animais".
"Este metal pesado é nocivo para as persoas que consomen carne de caza, tal e como sinalou de xeito recente a Axencia Europea de Sustancias e Mesturas Químicas", apuntou Libera.
Con respecto á munición de chumbo, "tan só está prohibido o seu uso en humidais" polo que o resto de espazos "están a mercé dos escopeteros", polo que os amantes dos animais propuxeron un pago anual de 100 euros por cazador e 2.000 euros por coto de caza "cos que obter fondos para combater este problema".
Así, segundo cálculos dos animalistas, poderíanse recadar catro millóns de euros "só coa taxa individual" que servirían tamén para impulsar "políticas preventivas contra o abandono animal e o seu comercio irregular".
