A Garda Civil e a Policía investiga a morte dun home que apareceu "malferido" nunha estrada do municipio coruñés de Narón este domingo.
Segundo confirmaron a Europa Press fontes do 112 Galicia, unha persoa particular atopou preto das 17.00 horas desta tarde a un home tendido á beira dunha bicicleta "malferido" no lugar de Castro.
A mesma avisou aos servizos de Urxencias Sanitarias-061, que cando chegaron ao lugar dos feitos o único que puideron facer foi "certificar a morte" do ciclista.
Dadas as particularidades do suceso, os axentes da Garda Civil e a Policía Local traballan agora por aclarar as circunstancias do falecemento.