A Audiencia Provincial de Pontevedra confirmou a condena imposta ao coñecido como donxoán de Marín, Rodrigo Nogueira, por estafa, así como á que era a súa parella cando cometeu o delito, Olga G.C. Os dous foron procesados por deixar unha débeda de 5.062 euros nun hotel de Meaño. Os dous aloxáronse no establecemento durante un mes facendo crer aos seus donos que ían pagar a factura.
O Tribunal Superior de Xustiza de Galicia precisa, segundo a información divulgada pola TVG, que a nova resolución confirma o fallo xudicial, polo que se manterían as penas de ao redor dun ano de prisión para ambos, así como unha indemnización aos titulares do negocio de 5.000 euros.
