A Axencia de Doazón de Órganos e Sangue (Ados) invita a toda a cidadanía a doar sangue durante esta ponte festiva de decembro e destaca que é necesario, nestes momentos, aumentar o volume de doazóns do tipo A Positivo ao detectarse un aumento das necesidades deste grupo.
Nun comunicado remitido aos medios, a axencia recorda tamén a importancia de incrementar nos próximos días o número de doazóns dos demais grupos e, especialmente, do Cero Negativo, popularmente coñecido como doante universal.
Ados sinala que os períodos vacacións e as pontes festivas necesitan dun reforzo no chamamento á participación da cidadanía, xa que pode baixar o número de doazóns pero non sucede o mesmo coa demanda de compoñentes sanguíneos por parte dos centros hospitalarios.
Neste sentido, subliña que, todos os días do ano, necesítanse entre 400 e 500 doazóns de sangue para garantir os compoñentes que necesitan os hospitais.
As dez unidades móbiles da Axencia de Doazón de Órganos e Sangue vistiarán, ao longo destes días máis de 40 concellos galegos para conseguir a participación necesaria para garantir o desenvolve do intenso labor asistencial dos centros sanitarios galegos.
Ademais, Ados recorda que tamén se pode doar sangue nos locais de doazón existentes nas sete grandes cidades galegas.
