Galicia arrinca a Semana Santa cun descenso dunha decena na cifra de ingresados totais por covid-19, até os 204, ao baixar tanto os pacientes en planta como os de unidades de coidados intensivos (Uci). Ademais, continúan en caída os casos activos da enfermidade, que se sitúan nos 2.357.
A pesar destas mellorías, repuntaron os contaxios detectados nun só día por todo tipo de probas. En concreto, de acordo cos datos que ofrece este sábado o Servizo Galego de Saúde (Sergas), actualizados até as 18,00 horas do vienres, súmanse ao cómputo 152 novos casos de covid, que son 37 máis que os 115 do día anterior.
No que respecta á presión hospitalaria, descende tanto en unidades convencionais, con 172 enfermos covid –seis menos–, como na UCI, con 32 –catro menos–. Das sete áreas sanitarias de Galicia, tan só dúas rexistran un repunte.
Unha delas é a de Lugo-A Mariña-Monforte, onde crecen até o 14 –tres máis– os pacientes ingresados por coronavirus, aínda que os críticos non varían e mantéñense en tres. A segunda é a de Santiago-Barbanza, ao aumentar até o 22 –un máis– os hospitalizados, a pesar de que baixan a dous --un menos– os que requiren coidados intensivos.
Por parte do resto de áreas, a da Coruña-Cee continúa como a de maior presión asistencial a pesar de caer até as 73 persoas (-6) ingresadas por covid en total. Iso si, os pacientes en UCI repuntaron en tres, até os 19.
Xunto á coruñesa, descenden os hospitalizados nas áreas de Vigo, até os 49 (-2), dos que seis (-1) están críticos; en Pontevedra-O Salnés, con 19 pacientes (-1), un deles (-2) na UCI; en Ourense-Verín-O Barco, con 16 ingresados por covid (-2), dos que un (-1) está en coidados intensivos; e na de Ferrol, con 11 hospitalizados (-3) e xa sen pacientes na UCI cando hai un día eran dous.
CONTAXIOS DETECTADOS
Os casos activos volveron a descender no conxunto de Galicia nos datos deste primeiro sábado de Semana Santa. En concreto, sitúanse nos 2.357, o que supón 46 menos que a xornada anterior.
Tan soa a área de Vigo rexistra un repunte dos pacientes covid, até o total de 537, 22 máis. O resto, todas notifican un descenso: A Coruña-Cee, até os 891 casos activos (-9); en Santiago-Barbanza, a 254 (-16); en Pontevedra-O Salnés, a 206 (-9); en Lugo-A Mariña-Monforte, a 167 (-10); en Ferrol, a 157 (-19); e en Ourense-Verín-O Barco, que está á cola, con 145 (-5).
No entanto, os contaxios detectados con calquera tipo de probas repuntaron até os 152 -137 confirmados cunha PCR–. Trátase da segunda cifra máis alta desta semana, despois dos 162 do xoves.
Dos 152 novos casos notificados, 57 correspóndense coa área sanitaria de Vigo e outros 51, coa da Coruña-Cee. Así mesmo, en Lugo-A Mariña-Monforte detectáronse 15 positivos nun día; en Santiago-Barbanza, 12; en Pontevedra-O Salnés, nove; en Ourense-Verín-O Barco, cinco; e en Ferrol, só tres.
Deste xeito, o cómputo total de contaxiados por este coronavirus en Galicia ascende a 116.494, dos cales 28.283 se concentran na área da Coruña; 22.033 na de Vigo; 18.412 na de Santiago; 14.817 na de Ourense; 12.712 na de Pontevedra; 11.999 na de Lugo; e 8.238 na de Ferrol.
TAXA DE POSITIVIDADE
A Comunidade galega realizou 1.828.763 PCR até o momento da última actualización de datos, que supoñen 5.929 probas máis que as contabilizadas até a xornada anterior –case un milleiro máis en relación ás feitas o venres–.
Pola súa banda, a taxa de positividade ascendeu lixeiramente a un 2,8%, tras o 1,7% notificado 24 horas atrás. Así, Galicia mantense por baixo do 5% que a Organización Mundial da Saúde (OMS) sinala para dar por controlada a pandemia.
FALECIDOS
Galicia suma 2.332 persoas falecidas diagnosticados con covid-19 desde o inicio da pandemia, tras notificar a Consellería de Sanidade este venres a morte doutra persona.
Até a data curaron 111.825 pacientes da covid-19 en toda a Comunidade galega, o que implica 197 persoas máis que as rexistradas até este venres.
