As residencias de maiores rexistran 99 infectados: 78 usuarios e 21 traballadores

Este mércores rexistráronse dous novos casos nun centro de Viveiro e noutro de Caldas
Traslado de anciáns ao Hotel Congreso. PEPE FERRÍN (AGN)
photo_camera Traslado de anciáns ao Hotel Congreso. PEPE FERRÍN (AGN)

As residencias de maiores de Galicia rexistran un total de 99 persoas infectadas por coronavirus, 78 usuarios e 21 traballadores, segundo os últimos datos proporcionados pola Consellería de Política Social.

Estes dous novos casos apareceron, un, na residencia Betania, en Viveiro, onde ata agora non había constancia de ningún diagnóstico; e o outro na nosa Señora da Asunción de Caldas de Reis, que suma dous pacientes con coronavirus.

O resto de residencias manteñen o mesmo número de afectados que esta mañá, con 30 casos diagnosticados en DomusVi Barreiro Vigo; 13 en San Carlos de Celanova; 13 en DomusVi San Lázaro (Santiago); nove no Portazgo (A Coruña); catro en Cangas; 3 en Fogar Bellolar (A Coruña); dous na nosa Señora de Fátima (O Barco de Valdeorras) e unha en Castro Caldelas (Ourense).

21 TRABALLADORES. Ao mesmo tempo, o número de positivos en traballadores destas residencias mantense. En total son 21 os afectados por coronavirus, 14 deles na San Carlos de Celanova, 5 na Domus Vin Barreiro de Vigo, 1 na residencia A Esperanza San Rosendo (Ourense) e un da San Simón de Teo (A Coruña).

Respecto deste último caso, fontes consultadas explicaron que se trata dunha muller auxiliar de cociña que leva 12 días sen acudir ao seu posto de traballo debido a esta enfermidade. As mesmas fontes confirmaron que esta muller tivera contacto previamente cunha persoa que viña de Madrid e esa puido ser a causa do contaxio.

TRASLADO A RESIDENCIAS HABILITADAS. Para intentar frear os diferentes brotes nas residencias, a Xunta decidiu habilitar e adecuar dous centros en Baños de Molgas e Santiago para trasladar aos afectados e que poidan ser atendidos alí, en lugar de illalos onde se atopaban.

A residencia ourensá de Baños de Molgas (con 93 prazas) xa comezou a recibir pacientes que deron positivo. En concreto, o martes foron trasladados 11 usuarios da San Carlos de Celanova; mentres que as autoridades sanitarias esperan a confirmación de novos casos tanto na provincia de Ourense como na de Pontevedra para evacualos. 

Por nbsp;o&seu parte, as instalacións de Porta do Camiño (Santiago) adecuáronse para recibir a pacientes da provincia da Coruña e Lugo. Os 60 residentes dese centro, que se atopan en bo estado de saúde, serán trasladados este mércores ao Hotel Congreso para "deixar espazo.