Axentes ambientais da Consellería de Medio Ambiente sorprenderon "in fraganti" pasadas as 20.00 horas do sábado un home que estaba a prender lume na parroquia de Coiro, en Cangas, segundo informou este domingo a Xunta nun comunicado.
De feito, grazas a esta alerta e á rápida intervención dos Servizos de Prevención e Defensa contra Incendios Forestais —que mobilizaron un axente, dúas brigadas e unha motobomba—, o incendio só afectou a unha superficie aproximada de catro metros cadrados de monte raso.
Avisados tamén dos feitos, membros da Garda Civil desprazáronse ata o lugar para tomarlle declaración ao incendiario.
