sábado. 25.09.2021 |
El tiempo
sábado. 25.09.2021
El tiempo

En corentena o asilo de Caldas por un positivo en coronavirus

O asilo clausurado. GSV
O asilo clausurado. GSV
Ante esta situación, o goberno municipal activou o protocolo e fixo un chamamento á calma

O asilo de anciáns da localidade pontevedresa de Caldas de Reis atópase actualmente en corentena tras detectarse un caso positivo de coronavirus nun dos seus residentes.

Fontes sanitarias confirmaron a Efe que, por precaución, illouse todo o centro mentres se espera polo resultado das probas que se fixeron a outros anciáns que estiveran en contacto co paciente que deu positivo.

O asilo de Caldas, xestionado pola congregación relixiosa das Hermanitas dos Anciáns Desamparados, está situado en pleno centro da localidade, á beira do centro de saúde.

Ante este positivo, o goberno municipal activou o protocolo e fixo un chamamento á calma, apelando a seguir as medidas de autoprotección como medio máis efectivo para afrontar esta situación de pandemia.

O Concello xa ordenou un operativo especial de desinfección por parte de Protección Civil na contorna da residencia

A comisión de seguimento do coronavirus, dirixida polo alcalde, ofreceu toda a súa colaboración ao centro residencial, no que se están levando a cabo as correspondentes medidas de vixilancia, control e illamento.

A este respecto, o Concello xa ordenou un operativo especial de desinfección por parte de Protección Civil en  contorna da residencia e o centro de saúde para minimizar o impacto que poida ter o COVID-19 na vía pública.

Así, sete voluntarios da agrupación, coa colaboración da Policía Local, sectorizaron a zona para limpala con auga e lejía e a rúa quedou pechada ao tráfico peonil.

Nestes momentos, engade o goberno municipal, piden manter prudencia e recomendan a todos os cidadáns non saír de casa a menos que sexa estritamente necesario. 

En corentena o asilo de Caldas por un positivo en coronavirus
Comentarios