miércoles. 01.12.2021 |
El tiempo
miércoles. 01.12.2021
El tiempo

Desaparecida unha menor de 16 anos durante a cabalgata de Reis de Ourense

A súa familia cre que non desapareceu por vontade propia 

Unha moza de 16 anos desapareceu a pasada tarde do 5 de xaneiro, véspera de Reis, na cidade de Ourense. Chámase Yaiza Hermida Dacosta, mide 1,65 metros, é de complexión delgada e ten o pelo ondulado e castaño.

Así a describiron nas redes sociais as plataformas que se encargan de difundir a imaxe de persoas desaparecidas coma ela. Neste caso, o mesmo cartel explica que Yaiza vestía na tarde deste domingo un xersei a raias azuis, unha sudadeira azul e un vaqueiro roto polo xeonllo. 

Segundo fontes de SOS Desaparecidos, a moza atopábase cos seus pais e a súa irmá gozando da cabalgata de Reis da cidade. En determinado momento foise a xunto aos seus amigos e quedou en volver ao lugar onde estaba aparcado o coche máis tarde para regresar a casa cos seus pais e a súa irmá. 

Máis tarde, entre as 19.30 e as 20.00 horas, a moza chamou á súa nai para dicirlle que se dirixía ao lugar onde quedaran. Os seus pais estiveron á esperar, pero Yaiza non apareceu

Desde entón non saben nada dela, "non recibe os whatsapps, o móbil está apagado", relatou a súa irmá Jeniffer. Ademais, a súa familia cre que "non desapareceu por vontade propia porque se non, non estaría a falar" coa súa nai para dicir que estaba a volver ao coche, argumentan. 

Por outra banda, a súa irmá tamén precisou que ao darse conta de que non volvía, a familia acudiu á Policía Local para dar aviso do ocorrido. Por este motivo, durante o día de hoxe os efectivos deste servizo, a Policía Nacional e voluntarios comezaron un operativo de procura

Aínda que toda a familia vive no Pereiro de Aguiar, a procura céntrase na cidade termal, o último punto no que se viu a Yaiza. Igualmente, contactouse cos amigos cos que pasou a tarde na Cabalgata, e aseguraron á Policía que a moza se despediu porque os seus pais estaban a esperala. 

Os axentes tamén falaron con outro mozo co que Yaiza se foi hai uns meses durante un día. "Unha pequena rebeldía", describiu a súa irmá. Con todo, o mozo asegurou que non sabe onde pode estar.

Desaparecida unha menor de 16 anos durante a cabalgata de Reis de...
Comentarios