A Área Sanitaria de Ferrol confirmou este domingo o illamento de 10 profesionais de Enfermería do Complexo Hospitalario Universitario ferrolán tras obter resultados positivos por covid-19 nas súas correspondentes probas PCR.
O departamento público valorou que as afectadas "pertencen á sétima planta de pacientes covid" do hospital público de Ferrol. "Están a cumprir a corentena correspondente e a planta está a traballar con normalidade", matizou.
Ao mesmo tempo, apuntou que os traballadores foron substituídos para que continuase a actividade habitual no recinto. Segundo a Consellería de Sanidade, "os casos fóronse sumando a través do rastrexo e investigación do brote".
A comarca de Ferrolterra alcanzou este domingo os 841 pacientes con infección activa por covid-19, dos cales 47 permanecen en planta de hospitalización do complexo ferrolán e 11 na súa Unidade de Coidados Intensivos.