O Equipo de Atestados do Destacamento de Tráfico da Garda Civil de Lalin e o Giat do Subsector Trafico da Garda Civil de Pontevedra detiveron ao fío das 09,45 horas deste luns a un veciño de Lalín de 49 anos como presunto autor do atropelo mortal de Alberto Vilariño Coego, exconcejal do PP en Agolada.

Ao arrestado atribúeselle un delito de homicidio por imprudencia e omisión do deber de socorro.

ATROPELO. O exedil popular foi arroiado sobre as 13,00 horas do martes cando circulaba en bicicleta polo km 147,500 da N-640, en Agolada, e o seu corpo foi achado sen vida na beiravía do viario.

O 112 informou de que, a pesar de que se mobilizou un helicóptero medicalizado, nada se puido facer por salvarlle a vida. 

Tras ser alertados polo 112, ademais dos profesionais de Urxencias Médicas, acudiron ao lugar axentes da Garda Civil de Tráfico co fin de coñecer as circunstancias nas que se produciu o suceso. Tamén interviñeron os efectivos de Protección Civil da localidade. 

COLABORACIÓN CIDADÁ. A Garda Civil solicitou este martes a colaboración cidadá para dar co responsable do suceso.

Segundo reporta o instituto armado, o vehículo implicado no accidente mortal podería tratarse dun camión da marca DAF e coa defensa dianteira de cor gris, xa que un fragmento da mesma apareceu no lugar dos feitos.