Axentes da Policía Nacional da Comisaría de Vigo detiveron este martes a unha muller que se enfrontou a varios axentes e opuxo resistencia para impedir o arresto do seu marido, que logrou fuxir. 

Fontes policiais explicaron que a intervención tivo lugar nun domicilio da zona da Doblada sobre as 13.00 horas deste martes. Ata alí trasladáronse efectivos do 091 para deter a un individuo relacionado con investigacións da Policía Xudicial que non foron desveladas (as dilixencias está en curso). 

Segundo informou a Policía, a familia do sospeitoso opuxo resistencia activa "con empuxóns aos axentes e insultos" cando chegaron para proceder á detención. Aproveitando a confusión, o home puido fuxir. 

Por estes feitos, foi detida a muller do sospeitoso, mentres que a Policía continúa a procura do fuxitivo.