Axentes da Policía Local de Pontevedra detiveron o sábado un mozo de 27 anos que tiña unha orde de procura e captura ditada por un xulgado de Vigo. O individuo estacionara o vehículo que conducía, un Mercedes, nun vao, impedindo a entrada e a saída de vehículos dun garaxe.
Os axentes que chegaron ao lugar solicitaron a documentación ao condutor e comprobaron que tiña unha orde de detención por un delito de tráfico. Ademais, acharon no seu coche unha pistola de aire comprimido con munición e unha navalla.