viernes. 22.10.2021 |
El tiempo
viernes. 22.10.2021
El tiempo

Esquerda Unida pide á Xunta que peche os locais de prostitución

Desde o partido consideran que a prostitución é "incompatible" coa dignidade das mulleres e "contraria" aos principios dos dereitos humanos

Esquerda Unida pediu á Xunta de Galicia nun comunicado que inclúa os locais de prostitución dentro dos de obrigado peche ante o risco de brotes do Covid-19, tal e como fixeron outras comunidades autónomas como Castela-A Mancha. 

Segundo a formación, a orde publicada o pasado 15 de agosto pola Xunta no Diario Oficial de Galicia (DOG), que limita os horarios da hostalería e a restauración e pecha dos locais de lecer nocturno, "obviar a realidade dos locais de prostitución, onde, pese ao coronavirus, segue existindo a posibilidade de que os puteros acudan".

"Estes pon en perigo a saúde das mulleres en situación de prostitución, así como a da comunidade ao poder contaxiarse e actuar como vectores da enfermidade nas súas casas e ámbitos sociais, sendo ademais casos de difícil rastrexo", engade Esquerda Unida. 

A formación insta xa que logo á Xunta a que peche os locais de prostitución con independencia da licenza coa que operen e sigan o exemplo de Castela-A Mancha, que asumiu esta reclamación realizada por distintos colectivos sociais e organizacións políticas.

"As mulleres en situación de prostitución están actualmente expostas ao contaxio por Covid-19 e ao mesmo tempo expostas a estar desprotexidas e sen recursos"

Ademais, piden a "dotación de recursos de carácter urxente tanto económicos como habitacionales para evitar que estas persoas caian nun absoluto desamparo social".

"As mulleres en situación de prostitución están actualmente expostas ao contaxio por Covid-19 e ao mesmo tempo expostas a estar desprotexidas e sen recursos, en moitos casos aumentando as débedas cos proxenetas e, polo tanto, aumentando a dificultade para saír da situación da prostitución", expresou a responsable da área de Muller de Esquerda Unida, Raquel Bernárdez.

Desde o partido consideran que a prostitución é "incompatible" coa dignidade das mulleres e "contraria" aos principios dos dereitos humanos, entre eles a igualdade de xénero, polo que ratifican o seu "compromiso" de loita pola "abolición da prostitución".

Esquerda Unida pide á Xunta que peche os locais de prostitución
Comentarios