Falece aos 92 anos a nai da conselleira Rosa Quintana

María Carballo Tesouro, nai da conselleira de Mar, Rosa Quintana, faleceu aos 92 anos de idade. A capela ardente quedou instalada nun tanatorio de Ourense. O enterro celebrarase este venres en Pereiro de Aguiar, onde repousan os restos do seu marido. Ambos os dous estiveron emigrados en Venezuela, onde naceu a súa filla.

Hai un ano, a conselleira perdera a seu pai, Servando Quintana, que falecera aos 88 anos en Brión, concello coruñés onde reside Rosa Quintana coa súa familia.

Tanto a conselleira de Mar como seu home, o odontólogo Jorge Ortega, e o su fillo, Marcos Ortega Quintana, están a recibir numerosas mostras de condolencia por tan irreparable perda.