Unha muller de 35 anos, con iniciais C.N.D, e a súa filla de dous anos resultaron feridas este martes ao mediodía ao ser atropeladas por un vehículo no barrio lucense de San Fiz.

Segundo informaron a Efe fontes da Policía Local de Lugo, ambas foron evacuadas nunha ambulancia do 061 a un centro sanitario e, en principio, era a nai a que presentaba un prognóstico máis grave, por mor dalgunha posible fractura.

O accidente produciuse ás 12.55 horas no Paseo dos Estudantes, cando nai e filla foron arroiadas por un vehículo que conducía un mozo de 23 anos cara á Rúa das Artes.

O accidente produciuse fóra do paso de peóns, polo que a Policía Local investiga "as causas exactas do atropelo", agregan as mesmas fontes.