Un home resultou ferido este xoves ao cortarse cunha radial cando realizaba traballos no seu domicilio en Coristanco, no lugar da Esfarrapa.
Un familiar chamou á central do 112 Galicia ao redor das 14.30 horas para solicitar asistencia sanitaria, tras o que se desprazou ao lugar o helicóptero medicalizado con base en Santiago. Tamén se trasladou a alerta á Garda Civil, Policía Local, GES de Ponteceso e Protección Civil, que confirmaron o traslado do paciente a un centro hospitalario da Coruña.
Tamén este xoves, un operario sufriu un accidente cando traballaba nunha fábrica no Carballiño. Segundo os servizos de urxencias, o afectado presentaba un corte importante, polo que foi evacuado por profesionais sanitarios.