Un motorista resulta ferido de gravidade tras un aparatoso accidente en Tui

O condutor circulaba pola PO-340 cando se saíu da vía e foise contra a cuneta á altura de Malvas
Estado no que quedou a moto tras o accidente. TVG
photo_camera Estado no que quedou a moto tras o accidente. TVG
Un motorista sufriu un aparatoso accidente na tarde deste luns en Tui cando circulaba pola PO-340 en dirección a Gondomar e foi trasladado en ambulancia ao Hospital Álvaro Cunqueiro. O estado do condutor é grave. 

Segundo fontes do Garda Civil, o condutor da motocicleta saíuse da vía e foise contra a cuneta á altura de Malvas.

Ao lugar do sinistro acudiron efectivos da Garda Civil de Tráfico, así como unha ambulancia e a Policía Local de Tui.