O escritor Miguel Anxo Fernán Vello será o número un da candidatura de Galicia en Común-Anova-Mareas para as eleccións autonómicas do 5 de abril, mentres que o exalcalde de Santiago Martiño Noriega, que aparecía nas quinielas para ocupar ese posto, irá finalmente de tres por A Coruña.
A decisión aínda debe ser ratificada nas próximas horas pola alianza. No acordo que alcanzaron o pasado venres Podemos, Anova e algunas das mareas municipais como Compostela Aberta ou Marea Atlántica, o número un por Lugo reservábase para a formación fundada por Xosé Manuel Beiras. E será Fernán Vello quen ocupe ese posto de saída.
O poeta e editor de Cospeito, de 61 anos, xa encabezara a candidatura de En Marea ao Congreso nas xerais de 2015, nas que saíra elixido deputado por Lugo.