El tiempo
sábado. 20.08.2022
El tiempo

Galicia conta con 37 municipios en alerta vermella

As cidades de Ferrol, Pontevedra, Lugo e Vigo continúan en risco máximo pola incidencia do coronavirus na última semana

A listaxe de municipios en alerta vermella pola incidencia do coronavirus na última semana baixaron este martes a 37, un máis que o luns, grazas a que se desactivou esta situación en Nigrán (Pontevedra) e en Ponteceso (A Coruña). Con todo, Boiro (A Coruña) volveu a entrar en aviso máximo.

Segundo recolle o mapa 'semáforo' que actualiza diariamente a Consellería de Sanidade, as provincias da Coruña e Pontevedra continúan concentrando un total de 33 concellos en vermello. En Ourense, tan só queda Xinzo de Limia, mentres que en Lugo seguen a súa capital, Sarria e Vilalba.

grafico

En Pontevedra, baixaron a 17 os municipios en aviso máximo pola incidencia do coronavirus, posto que se desactivou en Nigrán e non ingresou á listaxe ningunha outra localidade. Así, mantéñense A Estrada, Lalín, Cambados, Pontevedra cidade, Poio, Sanxenxo, Marín, Redondela, Vigo, Mos, Moaña, Ponteareas, Salvaterra, Tomiño, O Porriño, Vilagarcía de Arousa e Tui.

Na Coruña, este martes hai en 16 concellos coloreados en vermello ao compensarse a saída de Ponteceso coa entrada de Boiro, mentres que continúan Ferrol, Narón, Pontedeume, Ordes, Oleiros, Cambre, Culleredo, Arteixo, A Laracha, Coristanco, Carballo, Malpica, Ribeira, Cabana e Vimianzo.

A alerta máxima de risco de todas estas localidades implica que se detectaron máis de 21 casos de coronavirus no últimos sete días. Con todo, nas urbes de máis de 50.000 habitantes, o limiar para detectar o aviso vai en función do tamaño: Ferrol -máis de 76 casos nunha semana-, Pontevedra -máis de 96-, Lugo -máis de 112- e Vigo -máis de 332-.

NIVEL LARANXA. No segundo nivel de aviso, o laranxa, hai este martes un total de 22 concellos galegos -cinco máis-. Na provincia ourensá continúan os dous dun día atrás -Ourense e Ribadavia- e en Lugo seguen Chantada, Guntín e Monforte, mentres se lles suma Burela.

A provincia de Pontevedra, pola súa banda, engade dous novos municipios en laranxa, até os sete, debido á baixada de Nigrán desde o nivel vermello e á subida de Vilanova de Arousa desde o amarelo. Á parte destes, están Ribadumia, Meis, A Guarda, Cangas e O Grove.

Con todo, a que ten máis localidades neste nivel é a provincia da Coruña, un total de nove -dous máis-. Á cidade herculina, Santiago, Ames, Porto do Son, Santa Comba e Cerceda, súmaselles este martes Ponteceso -que pasa de vermello a laranxa-, Fene e Rois -por aumentar a incidencia-.

Galicia conta con 37 municipios en alerta vermella
Comentarios