domingo. 24.10.2021 |
El tiempo
domingo. 24.10.2021
El tiempo

Galicia perde preto de 10.000 habitantes durante o ano 2016

Dous anciáns paseando por un parque
Dous anciáns paseando por un parque

A comunidade registra un total de 2.710.216 persoas

A comunidade autónoma galega perdeu 9.886 habitantes en 2016, ata os 2.710.216 persoas, segundo as cifras poboacionais de referencia publicadas hoxe polo Instituto Galego de Estatística (IGE) a 1 de xaneiro de 2017.

Entre o 1 de xaneiro de 2016 e o 1 de xaneiro de 2017, Galicia pasou de ter 2.720.102 habitantes a 2.710.216, o que supón un descenso dun 0,36 por cento.

A pesar da perda de 9.886 habitantes, tres comarcas galegas gañaron poboación durante ese período: A Coruña, Santiago e Pontevedra.

A primeira alcanzou os 395.861 habitantes, o que supón un aumento de 1.078 (0,27 %); a segunda chegou a 167.120 persoas, cun incremento de 902 (0,54 %); e a terceira gañou 1.906 (1,55 %), ata os 124.618 censados.

O último dato de crecemento está motivado, agrega o documento, pola fusión do municipio de Cerdedo-Cotobade, pois Cercedo pertencía á comarca de Tabeirós-Terra de Montes e agora sumouse á comarca de Pontevedra.

O informe mostra que as provincias da Coruña e Pontevedra suman o 76 % da poboación total galega, con 1.121.770 e 943.257 habitantes; mentres que Lugo acumula 333.610 e Ourense ten 311.578.

Son máis as mulleres en Galicia (1.400.736) que os homes (1.309.481), nunha proporción que se mantén en todas as provincias.

O sete grandes municipios galegos de máis de 50.000 habitantes tiveron un comportamento desigual, con aumento de poboación en Santiago de Compostela, ata os 96.717 con 505 persoas máis (0,52 %); Vigo, ata os 287.926 habitantes con 146 máis (0,05 %); e Pontevedra, ao alcanzar as 80.872 persoas censados cun crecemento de 111 (0,14 %).

Descenderon Ferrol, en 745 persoas (1,1 %) que o deixaron en 66.899; Ourense, en 227 (0,22 %) ata 103.181; Lugo, en 161 (0,17 %) ata 96.960; e A Coruña, en 132 (0,05 %) e 240.980 habitantes.

O sete cidades galegas representan un 35,9 % do total da poboación galega mentres que o outro 64,1 % está repartido nos outros 306 municipios. 

Galicia perde preto de 10.000 habitantes durante o ano 2016
Comentarios