sábado. 16.10.2021 |
El tiempo
sábado. 16.10.2021
El tiempo

Galicia queda fóra da influencia da tormenta tropical Leslie

Situación do furacán Leslie. METEOGALICIA
Situación do furacán Leslie. METEOGALICIA

Nas próximas horas situarase ao norte de Lisboa e non afectará á comunidade

A tormenta tropical Leslie chegará na noite deste sábado á costa de Portugal, aínda que se situará ao norte de Lisboa e, polo tanto, Galicia queda fóra da súa influencia. 

Esta é a predición de Meteogalicia, que apunta nunha mensaxe en Twitter que o furacán se localizou durante a madrugada do sábado a uns 400 quilómetros ao noroeste de Madeira. 

Así, a traxectoria de Leslie levaraa nas próximas horas a situarse na zona de cabo Mondego, ao norte de Lisboa, polo que Galicia quedará fóra da súa influencia. 

A tormenta tropical si afectará a outras zonas de España segundo as predicións da Axencia Estatal de Meteoroloxía, que advirte da posibilidade de ventos moi fortes, con refachos superiores a 80 km/h; e choivas intensas, de 75 a 100 l/m2 en 24 horas, no oeste peninsular ao longo deste domingo. 

Galicia queda fóra da influencia da tormenta tropical Leslie
Comentarios