miércoles. 01.12.2021 |
El tiempo
miércoles. 01.12.2021
El tiempo

O Goberno paraliza a poxa de Pena Grande e accede a que se ceda ao Concello de Vilalba

Abrigo de Pena Grande, en Santaballa. CRISTINA PÉREZ
Abrigo de Pena Grande, en Santaballa. CRISTINA PÉREZ

Fernán Vello decidiu dirixirse directamente ao Ministro de Facenda, Cristóbal Montoro, para trasladarlle a demanda deorganizacións culturais e colectivos diversos

 

O Goberno paralizou a poxa dos terreos nos que se atopan os xacementos arqueolóxicos de Pena Grande, situados na parroquia de Santaballa, en Vilalba. O Executivo accedeu, ademais, a ceder gratuitamente os terreos ao Concello de Vilalba.

Así o confirmou o deputado de En Marea por Lugo, Miguel Anxo Fernán Vello, encargado de presentar varias iniciativas no Congreso para paralizar esta poxa, que se iba celebrar o 15 de decembro. Ante a proximidade da data, o deputado decidiu dirixirse directamente ao Ministro de Facenda, Cristóbal Montoro, no pleno do Congreso.

"Esixinlle en nome de En Marea retirar de imediato a poxa destes terreos e proceder a cedelos ao concello de Vilalba ou á Xunta a fin de poñelos en valor", asegura o deputado, que afirma que Montoro "amosouse receptivo" e aseguroulle que faría xestións canto antes para solucionalo.

O deputado de En Marea por Lugo quere amosar a "súa satisfación por ter conseguido parar un auténtico despropósito"."Estaba en xogo o noso patrimonio, os nosos vestixios do Paleolítico, que ían ser vendidos sen ter en conta o seu alto valor histórico e cultural".

Neste sentido, agradeceu a receptividade do ministro que foi quen de escoitar a demanda de En Marea, que lle trasladou demanda de organizacións culturais e colectivos diversos –como Cultura do País– "para que se paralizase unha barbaridade tecnócrata".

O Goberno paraliza a poxa de Pena Grande e accede a que se ceda ao...
Comentarios