martes. 26.10.2021 |
El tiempo
martes. 26.10.2021
El tiempo

A hemodinámica 24 horas en Lugo era "un clamor social"

Entrada principal del hospital Lucus Augusti (Hula). AEP
Entrada principal del hospital Lucus Augusti (Hula). AEP

Tras sete anos de mobilizacións, os lucenses conseguiron o servizo demandado para o Hula ► O BNG pide agora o mesmo servizo para Ourense

O presidente da Federación Provincial de Asociacións de Vecinos de Lugo, Jesús Vázquez, afirmou este venres que a ampliación do horario da sala de Hemodinámica do Hula para alcanzar as 24 horas de servizo ao día era "algo inevitable", porque máis que unha reivindicación da cidadanía de Lugo converteuse xa "nun clamor social".

En declaracións a Efe, Jesús Vázquez recordou que o anuncio realizado o o conselleiro de Sanidade é, en realidade, o final "a unha loita que durou sete anos" e na que se implicou activamente toda a sociedade lucense", non só aqueles que, dalgún xeito, lideraron as mobilizacións, senón tamén todos aqueles veciños que "traballaron de forma anónima" e "nunca saíron na foto".

"Isto é a demostración de que cando os lucenses nos unimos por unha causa xusta, somos capaces de conseguir calquera cousa", afirmou Vázquez, quen tamén recordou que a manifestación para reclamar os servizos de Radioterapia e Hemodinámica 24 horas no Hula logrou congregar "a máis de 20.000 persoas en Lugo".

Foi, segundo o presidente da federación veciñal, unha das manifestacións "máis multitudinarias" que houbo nunca en Lugo.

O portavoz veciñal afirmou que o conselleiro de Sanidade, Jesús Vázquez Almuiña, quen o xoves anunciou que o servizo de Hemodinámica 24 horas empezará a funcionar o 18 de febreiro, "foi unha persoa dialogante, a diferenza da súa antecesora, que nunca se quixo reunir connosco".

"Estableceu unha canle de diálogo connosco", aclarou, que ao final terminou coa "consecución de algo que buscabamos desde hai moito tempo".

O BNG pide o mesmo servizo para Ourense

A deputada do BNG por Ourense Noa Presas reclamou este venres a ampliación do servizo de Hemodinámica ás 24 horas no complexo hospitalario de Ourense, logo de anos de loita.

Presas sinala nun comunicado que a súa formación volverá pedir no Parlamento galego que Ourense conte con este servizo "de forma permanente" e pediu ao Partido Popular “unha rectificación urxente” para que esta provincia poida dispor deste servizo as 24 horas e se deixe de xogar coa vida dúas ourensáns".

A hemodinámica 24 horas en Lugo era "un clamor social"
Comentarios