Investigan dous veciños de Muxía por aforcar un can

O animal fora inmobilizado por orde xudicial por morder uns peregrinos

A Patrulla do Servizo de Protección da Natureza (Seprona) da Garda Civil de Corcubión investigou dous veciños de Muxía como presuntos autores dun delito de malos tratos animais, por aforcar supostamente o seu can, segundo informou ese corpo de seguridade.

O corpo do can no alpendre en Muxía. EPA Policía Local de Muxía tivo constancia da morte dun can mediante aforcamento nun alpendre e deu aviso á Garda Civil, que se desprazou ao lugar dos feitos e constatou a presenza do corpo do animal.

Segundo o instituto armado, o can estaba inmobilizado por orde xudicial, ao estar implicado nun delito de danos ocasionados por morder a uns peregrinos, polo que debía ter os coidados de manutención e veterinarios correspondentes.

A Garda Civil procedeu á investigación dos seus propietarios como supostos autores dun delito de malos tratos animais, poñéndoos, xunto coas actuacións realizadas, a disposición do xulgado de instrución de garda de Corcubión.