Un home foi posto en liberdade tras ser detido por unha suposta agresión sexual a dúas mozas de 22 e 24 anos durante a festa do Petardazo de Xinzo de Limia, que na noite do pasado sábado marcou o arranque do Entroido neste municipio ourensán.
A pesar de quedar libre, o home, de 52 anos, está a ser investigado por irromper nun escampado ao que as dúas mozas foran a ouriñar e, tras espirse de cintura para abaixo, achegouse a elas e agarrounas á vez que se tocaba os xenitais.
As vítimas lograron zafarse do agresor e, xa nunha rúa iluminada, chamaron á Policía Local, que se acudiu no lugar xunto á Garda Civil e, coa axuda das mozas, identificaron ao presunto agresor nas inmediacións do lugar.
O home, veciño de Xinzo, foi arrestado e trasladado ao cuartel da Benemérita, onde negou os feitos, como tamén fixo posteriormente ante a xuíza que instrúe o caso.
As dúas mozas son de Pontevedra e Barbadás foran a Xinzo para gozar do arranque dos entroidos cuns amigos.
