As milicias kurdas do YPG están estudando a repatriación de Samuel Prada Lleón, o ourensán de 24 a anos que faleceu o pasado día 10 cando combatía a ofensiva do exército turco na fronte de Afrin, no norte de Siria. Está previsto que xunto a el retorne ao seu país de orixe o corpo doutro europeo abatido no campo de batalla. 

Prada, alcumado co nome de Baran Galicia, é o primeiro español que morre no conflito dos preto de 25 que se sumaron ás filas kurdas nos últimos meses. O mozo alistárase no verán para repeler o avance do Estado Islámico (Isis, polas súas siglas en inglés), pero a precaria situación da población civil de Siria e Iraq fixo que cambiase de parecer e decidise loitar por defendela.