Un home, pendente de identificar, faleceu na noite do domingo en Ferrol como consecuencia dunha saída de vía do vehículo que conducía no límite entre este municipio e o de Narón (A Coruña).
Fontes da Garda Civil comunicaron este luns que o suceso se desencadeou no primeiro quilómetro da estrada AC-116, nas inmediacións do inicio da autovía que une a cidade ferrolá coas Pontes (A Coruña) e a provincia de Lugo. O incidente aconteceu así ao redor das 23:05 horas na zona de Catabois.
O turismo, un Daewoo Lanos que circulaba en sentido a Ferrol, sufriu un incendio tras o citado accidente, engadiu o Instituto Armado na súa información.
"O condutor e único ocupante do vehículo resulta falecido", destacou este corpo na nota, para aclarar a continuación que a única vítima permanece "sen identificar" ao quedar o seu corpo "carbonizado" e en espera "de probas forenses" que determinen a identidade.
As dilixencias correspondentes ao suceso, que mobilizou a Policía Local de Ferrol e Garda Civil, ademais da bombeiros ferroláns e naroneses, foron remitidas ao xulgado de garda ferrolán.
