A morte dun octoxenario en Ourense eleva a 614 os falecidos con coronavirus en Galicia

Complexo Hospitalario Universitario de Ourense (CHUO). EP
photo_camera Complexo Hospitalario Universitario de Ourense (CHUO). EP

O número de falecidos con coronavirus en Galicia elevouse a 614 nas últimas horas tras a confirmación este domingo doutra vítima mortal da pandemia. Segundo informaron fontes sanitarias, trátase dun home de 86 anos que tiña patoloxías previas e que permanecía ingresado no Complexo Hospitalario Universitario de Ourense (Chuo).

O balance diario divulgado por Sanidade amosa que os casos activos de coronavirus en Galicia seguen baixando e sitúanse en 869, que son 15 menos que os que se contabilizaban o sábado. 

Os datos mostran que en todas as áreas sanitarias, excepto en Lugo, houbo unha diminución dos casos activos. En concreto, A Coruña conta con 215 (-6) pacientes afectados, Lugo con 58 (+2), Ourense con 124 (-3), Vigo con 261 (-3), Santiago con 147 (-4) e en Ferrol hai 27 (-1). En Pontevedra, pola súa banda, mantéñense os 37 que se contabilizaban o sábado. 

Por outra banda, os curados son xa 9.716 persoas.

Comentarios