Unha muller de 86 anos, con identidade B.V.R., faleceu na tarde deste venres en Celanova despois de que a parede dun garaxe cedese e provocase que caese co seu vehículo desde unha altura dun primeiro piso.
Segundo informou o CIAE 112 Galicia, o accidente tivo lugar sobre as 18.45 horas da tarde no aparcadoiro dun edifico, na rúa Froilán Barrio Cercado.
Foron varios particulares os que contactaron co CIAE 112 Galicia para informar o suceso. Indicaban que o vehículo caera á rúa tras ceder a parede.
Ante iso, os xestores do 112 Galicia alertaron ao Servizo de Urxencias Sanitarias de Galicia-061, que mobilizou ao helicóptero medicalizado con base en Ourense.
Ademais, segundo informaron fontes sanitarias, tamén acudiu ao momento unha ambulancia asistencial e persoal da PAC de Celanova. Con todo, a muller faleceu no punto.
O CIAE 112 tamén informou os Bombeiros da Mancomunidade, á Garda Civil de Tráfico e Policía Local e aos membros de Protección Civil da localidade.
