viernes. 03.12.2021 |
El tiempo
viernes. 03.12.2021
El tiempo

O pai e o cuñado do falecido en Noitevella en Oleiros declararán como investigados

Expertos de criminalistica recogen pruebas tras la muerte de un hombre en un altercado en Oleiros. CABALAR
Expertos recollen probas tras a morte dun home nunha liorta en Oleiros. CABALAR
Atribúeselles un delito de lesións no transcurso da pelexa

A titular do Xulgado de Instrución número 2 da Coruña citou a declarar como investigados o pai e o cuñado do mozo falecido en Oleiros nunha liorta ocorrida o día de Aninovo despois da celebración nun hotel coruñés da festa de Noitevella. Así o informaron fontes próximas ao caso que precisaron que a declaración será o día 14. Ambos farano en condición de investigados por un suposto delito de lesións no transcurso da pelexa que se produciu entre dous grupos, primeiro no interior do hotel e logo no exterior. 

No transcurso da refrega, a vítima, de 31 anos, recibiu un golpe cun cinceiro metálico, segundo confirmou a Garda Civil. Agora estase pendente dos resultados da autopsia para determinar os motivos da súa morte ou se o golpe puido provocar o seu falecemento. 

Pola súa morte foron detidas dúas persoas. Un deles, de 27 anos, era coñecido da vítima. Para el a xuíza decretou o seu ingreso en prisión provisional comunicada e sen fianza como investigado por un delito de homicidio. O outro detido, de 33 anos, quedou en liberdade coa obrigación de compareceer quincenalmente no xulgado e en condición de investigado por un delito de lesións. 

Os feitos producíronse ao redor das 06.00 horas do pasado día 1 durante unha pelexa coa participación de varias persoas entre dous grupos. A vítima faleceu no exterior do establecemento, onde acudira, xunto á súa familia, a celebrar a festa de Fin de Ano. 

O pai e o cuñado do falecido en Noitevella en Oleiros declararán...
Comentarios