El tiempo
lunes. 20.03.2023
El tiempo

Pedrafita do Cebreiro, líder en chuvia nunha xornada con 3.500 raios en Galicia

Mapa con los rayos caídos en Galicia durante el sábado
Mapa cos raios caídos en Galicia durante o sábado

As tormentas deixaron 41,3 litros por metro cúbico no Alto do Poio 
 

Galicia rexistrou durante o sábado un total de 3.448 raios, nunha xornada de tormentas e de inestabilidade meteorolóxica, en especial, no sur da comunidade, que veu acompañada de choivas intensas que provocaron diversas inundacións na zona de Ourense. 

Segundo a información recollida por Meteogalicia, entre as catro e as seis da tarde contabilizáronse un total de 917 raios na comunidade galega. Na seguinte franxa horario a cifra chegou aos 879, diminuíndo xa segundo avanzou a xornada aos 178 desde as oito ás dez, e aos 15 das dez ás doce. 

De forma paralela, producíronse intensas precipitacións, que alcanzaron os 41,3 litros por metro cúbico no Alto do Poio en Pedrafita do Cebreiro en Lugo, e de 16,8 na propia cidade de Ourense. 

As precipitacións provocadas polas tormentas, tal e como sinalou Emerxencias de Galicia, ocasionaron inundacións en diferentes puntos da cidade de Ourense, con varios baixos comerciais alagados na Avenida Marcelo Macías; así como da caída de árbores, arquetas levantadas por mor da acumulación de auga e inundacións nas rúas Río Arnoia e Avilés de Taramancos, nas avenidas de Marín, Santiago e Otero Pedrayo, ou na ponte da Valenzá a Marcelo Macías. 

Pedrafita do Cebreiro, líder en chuvia nunha xornada con 3.500...
Comentarios