lunes. 27.09.2021 |
El tiempo
lunes. 27.09.2021
El tiempo

Os pensionistas galegos volven saír este domingo ás rúas

Protesta na Coruña por unhas pensións "dignas". CABALAR (EFE)
Protesta na Coruña por unhas pensións "dignas". CABALAR (EFE)

Volverán concentrarse para reivindicar unhas pensións dignas

Xubilados galegos –convocados por UXT e CC OO– sairán á rúa de novo este domingo, 15 de abril, nunha ducia de cidades e pobos para reclamar pensións dignas.

Todas as mobilizacións serán ás 12.00 horas menos a de Lugo, que terá lugar ás 12.30 horas, nunha manifestación que sairá do edifico da Xunta.

O resto de mobilizacións serán ao mediodía en: Santiago (Praza de Cervantes), A Coruña (Obelisco), Ferrol (Praza de España), Viveiro (ante o concello), Foz (ante o Obelisco), Ourense (Praza Maior), O Barco (ante o concello), Pontevedra (Praza de España), Vigo (Marco), Vilagarcía (ante o concello) e O Grove (ante o concello).

Para ambos os sindicatos as medidas recollidas nos Orzamentos Xerais do Estado son "parciais e insuficientes" e "non van solucionar o problema presente e futuro das pensións".

Respecto diso, critican que a pensión media en Galicia é de 788,5 euros, lonxe dos 918 euros da media do Estado, mentres o 64% das pensións na Comunidade non chegan á cifra do Salario Mínimo Interprofesional (o 50% no caso estatal). 

Os pensionistas galegos volven saír este domingo ás rúas
Comentarios