sábado. 23.10.2021 |
El tiempo
sábado. 23.10.2021
El tiempo

Os policías xemelgos investigados pola morte de Celso Blanco seguirán libres se pagan 40.000 euros

Los dos agentes gemelos de Ourense. BRAIS LORENZO
Los dos agentes gemelos de Ourense. BRAIS LORENZO

O xuíz eleva a fianza tras tomarlles declaración durante máis de dez horas pola morte do seu compañeiro monfortino na comisaría de Ourense

Os xemelgos investigados polo homicidio do policía Celso Blanco, achado morto no seu despacho da comisaría de Ourense o 9 de abril de 2016, continuarán en liberdade vixiada –situación na que se atopan desde o pasado mes de xaneiro tras abonar unha fianza de 60.000 euros cada un–  se abonan outra de 40.000, xa que a maxistrada Eva Armesto decidiu elevar a fianza ata 100.000 euros. 

O xulgado de instrución número tres de Ourense acordou este venres elevar a contía para os dous axentes investigados polo presunto crime do seu compañeiro, o monfortino Celso Blanco.

A decisión foi imposta aos dous acusados, Roy e Bernardo D. L., tras escoitar hai dous días as súas declaracións durante máis de dez horas, conforme á petición de acusación particular, quen xustificou esa reclamación do seu testemuño ante novas probas achegadas ao sumario relacionadas con restos xenéticos nun papel e un escrito anónimo recibido pola familia da vítima, Celso Blanco.

A nota achada indicaba que os policías xemelgos eran os supostos responsables do crime para silenciar o roubo de armas no búnker da Comisaría. 

Segundo informou o Tribunal Superior de Xustiza de Galicia, os sospeitosos teñen un prazo dunha semana para depositar 40.000 euros adicionais de fianza e, ademais, deberán comparecer diariamente e terán prohibida a saída do territorio español.

O avogado Arturo Mosquera, que defende os intereses da familia do axente falecido, solicitara a prisión sen fianza para ambos os acusados ao entender que o seu relato tiña “contradicións” ademais de descartar a teoría do suposto suicidio, evocada inicialmente.

Tras o interrogatorio, Mosquera indicou que as probas xenéticas mostran rastros dos irmáns xemelgos nun folio que contiña pólvora e que apareceu baixo o corpo do axente falecido, no despacho da área de prensa, un espazo usado tamén por Bernardo. Ademais, un informe do grupo de análise de conduta descarta a posibilidade de suicidio do axente falecido.

Pola súa banda, a Fiscalía reclamara a súa liberdade ao considerar coherente e crible a súa versión sobre o día da morte en Comisaría, do mesmo xeito que o avogado dos dous acusados, Neil González, quen asegurou que non hai “indicios que se produciu un homicidio" nin de que sexa atribuíble a eses policías.

Os policías xemelgos investigados pola morte de Celso Blanco...