A xuíza do Xulgado Mixto número 1 de Vilalba acordou prisión provisional, comunicada e sen fianza para a nai da nena achada morta no seu domicilio en Muimenta o pasado 3 de maio por un delito presunto delito de homicidio ou asasinato.
A maxistrada trasladouse este xoves ao Hospital Universitario Lucus Augusti (Hula) de Lugo, onde se atopa ingresada, para tomarlle declaración. Aínda que a muller aínda non recibiu a alta médica, os facultativos que a tratan no módulo de psiquiatría decidiron que xa estaba en condicións de prestar declaración.
Coa presenza dun avogado nomeada pola investigada, a nai da menor falecida acolleuse ao seu dereito de non prestar declaración.
A muller permanecerá polo momento ingresada no módulo de custodia do hospital e unha vez reciba a alta médica será ingresada no centro penal correspondente.