Recuperan 22 quilos de percebes escondidos nun cortello en Oleiros
Tres furtivos foron denunciados por extraer o marisco sen permiso de explotación e saltándose o confinamento
Axentes do Seprona da Coruña identificaron a tres furtivos que extraeron percebes sen permiso de explotación e saltándose o confinamento nas inmediacións do faro de Mera, en Oleiros, e que trataron de esconder nun cortello de porcos.
Os infractores intentaron escapar da Garda Civil atravesando varias leiras privadas e, na súa identificación e posterior localización do percebe foi necesaria a colaboración dos axentes de Oleiros.
Recuperaron un total de 22 quilos de marisco que foi devolto ao mar, informa este xoves a Garda Civil nun comunicado.
Os furtivos foron denunciados ante a Consellería do Mar e ante a Subdelegación do Goberno na Coruña.
