Rescatan a seis adolescentes na praia de Valdoviño
Os menores, xunto a outros tres que quedaran en terra, foron trasladados en bo estado ao porto de Cedeira
Seis adolescentes foron rescatados este venres sans e salvos o envorcar a embarcación na que navegaban nas proximidades dunha praia do litoral de Valdoviño, na Coruña.
Salvamento Marítimo informa na súa conta de Twitter que os mozos, de entre 14 e 15 anos, foron rescatados xunto a outros tres que quedaran en terra.
Os nove foron trasladados en bo estado ao porto de Cedeira (A Coruña) desde a praia de Vilarrube, onde envorcou a embarcación na que navegaban.
Con motivo deste suceso foi mobilizado o helicóptero Pesca II e a embarcación de salvamento Langosteira.
