Rescatan unha cadela que vagaba pola autovía A-55 en Vigo
A presenza do animal causou problemas de circulación na vía
Axentes da Policía Nacional rescataron unha cadela que vagaba pola autovía A-55, á altura de Bembrive-Segade, na cidade Vigo, provocando retencións no tráfico.
Os feitos, informan fontes policiais, desencadeáronse a última hora da mañá deste venres.
Unha dotación policial que regresaba á comisaría tras participar na Feira de Universidades e Escolas Profesionais decatouse de que varios vehículos freaban bruscamente, quedando bloqueados os dous carriis de baixada da autovía.
Ao interesarse polo motivo da detención do tráfico, a patrulla decatouse de que un can de gran tamaño corría asustado dun lado a outro.
Vista o perigo da situación, un dos axentes baixou do vehículo e foi achegándose lentamente cara ao animal ata que, con chamadas de atención, e grazas á colaboración dun condutor, logrou levalo ata a beiravía.
A cadela estaba moi nerviosa, pero con caricias e apoio acougouse e foi levada ao coche patrulla para ser trasladada ás dependencias da comisaría de Vigo.
Alí realizáronse os trámites pertinentes cunha protectora de animais, que comprobou que o animal tiña chip e púxose en contacto cos seus donos.
