viernes. 21.01.2022 |
El tiempo
viernes. 21.01.2022
El tiempo

Un sábado case primaveral e un domingo con choiva e incluso neve

Amanece en el Castelo dos Andrade, en Pontedeume. CABALAR
Amanece en el Castelo dos Andrade, en Pontedeume. CABALAR

As máximas superarán os 20 graos no arranque da fin de semana, pero na xornada dominical chega unha fronte fría

A influencia dun anticiclón situado preto da península favorecerá tempo estable e asollado en case toda Galicia ao longo da fin de semana, con temperaturas diúrnas que oscilarán entre os 18 e 23 graos.

As máximas alcanzarán valores por encima do habitual para esta época do ano nas vertentes atlántica e cantábrica de España, segundo avanzou a Efe, Rubén del Campo, portavoz da Axencia de Meteoroloxía (Aemet) quen resalta a notoria diferenza que haberá entre valores diúrnos e nocturnos.

A amplitude térmica será grande en practicamente toda Galicia. En Lugo, por exemplo, as máximas poden chegar aos 22 graos e as mínimas baixar ata 1 grao.

Por capitais de provincia españolas prevense ata 23 graos en Sevilla e Córdoba, entre 20 e 22 en Pontevedra, Ourense, Oviedo, Lugo, Xaén, Badaxoz, Granada e Almería, mentres que na Coruña, Albacete, Alacante, Bilbao, Cáceres, Cádiz, San Sebastián, Madrid e Málaga, entre outras, a máxima subirá a entre 17 e 19 graos.

O domingo volve a choiva... e a neve
Con todo, o domingo chegará unha fronte fría a Galicia, con choivas e un descenso acusado das temperaturas. Os ceos estarán cubertos, segundo Meteogalicia, e as choivas que empezarán pola provincia da Coruña irán estendéndose por toda a comunidade.

As choivas poden ser localmente fortes pola noite e a cota de neve situarase ao redor dos 1.000 metros.

Un sábado case primaveral e un domingo con choiva e incluso neve
Comentarios