El tiempo
viernes. 03.02.2023
El tiempo

Segundo positivo por covid entre os condutores do transporte urbano de Ourense

Viaxeiros nun autobús urbano de Ourense.BRAIS LORENZO (Efe)
Viaxeiros nun autobús urbano de Ourense.BRAIS LORENZO (Efe)
Os traballadores atópanse illados e o Concello fará test a todo o persoal

O Concello de Ourense informou dun segundo caso de positivo por covid-19 no persoal de condutores do transporte urbano da cidade.

O traballador, do mesmo xeito que o seu compañeiro que tamén deu positivo por coronavirus, atópase de baixa e "controlado", segundo informa o goberno ourensán nun comunicado. 

Deste xeito, ademais destes dous condutores, outros catro traballadores que formaban parte do mesma quenda gardan corentena nas súas casas á espera de coñecer o resultado das probas. 
Así as cousas, o Concello anunciou que estuda realizar probas a todo o persoal do transporte urbano en función do resultado que arroxen o test aos que foron sometidos os traballadores illados. 

Tanto o consistorio local como a empresa concesionaria do servizo recordan que, coas medidas establecidas ao comezo da crise no transporte público, non existe "ningún tipo de contacto" entre condutores e viaxeiros, xa que hai unha separación de catro metros entre a zona dos pilotos e o primeiro asento habilitado.

Segundo positivo por covid entre os condutores do transporte urbano...
Comentarios