A xustiza galega afrontou unha xornada de paralización que se traduciu na suspensión de numerosos xuízos debido á folga convocada polos sindicatos, e que cifraron o seguimento do paro nun 95% do conxunto da comunidade e falan dun día "histórico".
Pola súa banda, a Xunta rebaixa este dato ao 42,11%, aínda que o director xeral de Xustiza, Juan José Martín, matizou esta porcentaxe, ao explicar que sae dos 1.137 traballadores que están a exercer o seu lexítimo dereito á folga, pero apuntar que hai máis cifras.
Las Xunta de Galicia ha propuesto como oferta tres aumentos. 75 euros al mes de incremento para los de más categoría, otro de 68 euros y un tercero de 55 euros
Así, apuntou aos que sitúan en 756 os empregados públicos da xustiza galega que esta xornada non foron a traballar por unha ausencia xustificada (asuntos propios, vacacións ou baixas por enfermidade), e os 384 que si foron ao seu posto de traballo para cumprir cos servizos mínimos.
Aínda que avisou de que el non suma o global dos números, en total son case 2.300 os empregados públicos que faltaron nas distintas dependencias da xustiza galega, o que elevaría a porcentaxe ao 84,33%.
1.000 ACTOS. Dato que está en consonancia cos ao redor de 2.000 traballadores que este xoves secundaron a manifestación convocada polas centrais desde a Avenida Xoán XXIII, nas inmediacións da praza do Obradoiro de Santiago, ata o Parlamento galego.
Xunto a varias pancartas en contra da discriminación laboral, Nilo Fernández, portavoz de SPJ-USO, maioritario na administración de xustiza, atendeu aos medios de comunicación para avisar de que ven "abocados" á folga indefinida desde o día 7, e advertiu ademais de que esta situación terá "consecuencias imprevisibles" para a sociedade galega.
Según fuentes de la Xunta de Galicia tasa la participación en la comunidad en un 50%
E é que esta terceira xornada de folga inscríbese na negociación entre sindicatos e Xunta sobre as melloras laborais que reclaman os representantes destes traballadores, transferidos á comunidade autónoma, que denuncian "discriminación" con respecto ao resto de comunidades.
SUBIDA DE 270 EUROS. De feito, segundo os seus números, as organizacións sindicais móvense nunha demanda duns 270 euros mensuais, que supoñen entre un 12 e un 16% do seu salario global. Fronte a esta "subida inasumible" para as arcas públicas galegas, a súa oferta, dixo, sitúase entre os 75 euros ao mes de incremento para os traballadores de máis categoría, outro aumento de 68 euros e un terceiro de 55 euros.
Con todo, o principal escollo na negociación, segundo as centrais, e que levou a que se levantasen da mesa o pasado venres, é o tratamento das incapacidades temporais. "É o mesmo que o resto dos empregados públicos de Galicia", aseverou Martín, quen, cuestionado sobre a diferenza neste punto con fiscais e xuíces, alega que a eles págalles o Estado.
En calquera caso, Juan José Martín pediu "desculpas" á cidadanía e tamén "aos funcionarios que non secundaron a folga", e explicou que en caso de non haber achegamento será necesario convocar ao comité de folga para establecer uns servizos mínimos que, para un paro indefinido, serán distintos aos fixados este xoves.
A maiores, o responsable de Xustiza sinalou que o director xeral de Función Pública trasladou "unha oferta que non quixeron escoitar", para "reforzar" os xulgados de violencia de xénero "tanto en persoal", coa creación de prazas "onde fagan falta"; como con "un reforzo económico" distribuído en tres escalas. "Non quixeron nin entrar niso", lamentou.
OS DATOS. Como é habitual nestes casos, as cifras de sindicatos e do Executivo autonómico difiren en canto ao seguimento da xornada de folga. Así, distintos representantes dos traballadores consultados han situado nun 95% o seguimento en Santiago, en Ourense e en Vigo, mentres que en Pontevedra cífrano en algo máis do 93%, en Ferrol no 90% e apuntan que en Lugo unha quincena de xulgados permaneceron pechados.
A Xunta, pola súa banda, a través dun comunicado remitido por Vicepresidencia, fíxao nun 42,11% e indica que os servizos mínimos están a cumprirse na súa totalidade e "non hai constancia de incidencias de relevancia".
Por provincias, a nota de prensa sinala que foi do 40,66% na Coruña, do 34,86% en Lugo, do 44,53% en Ourense e do 50% en Pontevedra. Recolle así mesmo que 637 funcionarios, un 24% do persoal, pediu permiso neste día, ben por vacacións (207), por asuntos particulares (391) ou por libranza (39).
