As comarcas do centro e A Montaña de Lugo estiveron este xoves en alerta laranxa por tormenta. Ata as 20.00 horas caeron na comunidade máis de 1.600 raios, a maioría na provincia lucense, segundo as medicións de MeteoGalicia.
No sur de Lugo e A Mariña, así como no noroeste e o interior de A Coruña, estivo activado o nivel amarelo. As tormentas están acompañadas de choivas, saraiba e refachos de vento forte. En Monterroso, como se pode observar no tuit que acompaña esta información, caeron pedras de xeo de considerable tamaño. E en Monforte as choivas foron tan copiosas que un aliviadoiro do colector do parque saturouse e empezou a expulsar augas fecais.
@4gotas_com imos a Monterroso,que teñen o xeo preparado para os cubatas pic.twitter.com/ifUnIDfJgN
— Popolo del Bosque (@Popolodelbosque) 4 de xullo de 2019
E en Lalín, unha tremenda saraibada danou centos de coches, como se pode observar no seguinte vídeo.
Continúan as fortes tormentas esta tarde. Algunhas delas con sarabia e mesmo pedrazo como se ve no Hclass (clasificación de meteoros) do radar de MeteoGalicia. E para completar o panorama levamos rexistrados máis de 800 raios en #Galicia a maior parte deles na provincia de #Lugo pic.twitter.com/ElAOA6OBMD
— MeteoGalicia (@MeteoGalicia) 4 de xullo de 2019
En concreto, afectarán á Coruña, Lugo, Asturias, onde poden ir acompañadas de chuvascos e refachos de vento fortes e saraiba, e a Cantabria.