O Tribunal Superior de Xustiza de Galicia (TSXG) rexeitou o requisito de acreditar o coñecemento dunha lingua estranxeira para obter o título de graduado en Psicoloxía pola Universidade de Santiago de Compostela (USC), algo que esa institución pretende eliminar.
Así o indica unha sentenza do TSXG divulgada este luns en base á demanda interposta por un alumno que comezou os seus estudos no curso académico 2013-2014, antes dunha modificación, en febreiro de 2014, do plan de estudos do grao en Psicoloxía, no que a USC introduciu a obrigación de acreditar o coñecemento dunha lingua estranxeira para obter o título.
A sentenza do TSXG considera que non se pode aceptar o carácter "retroactivo" desa esixencia aos alumnos que iniciaron a súa carreira universitaria e advirte que xa hai outra resolución parecida relativa á obtención do título de grao de Historia.
