Xullo empezará co anticiclón entrando en forma de cuña desde os Azores ata Galicia, o que se traducirá nunha xornada seca e asollada.
O día empezará con intervalos de nubes baixas e néboas que darán paso a ceos pouco nubladoso despexados en xeral. E as temperaturas experimentarán un lixeiro ascenso.
As máximas que alcanzarán os 30 graos en Ourense e roldarán os 25º noutras capitais como Lugo, Pontevedra, Santiago ou Vigo.
FIN DE SEMANA. O venres Galicia irá perdendo a influencia anticiclónica, coa chegada de nubes pola tarde e choivas a última hora do día. O sábado tamén haberá choivas ocasionais, os ceos estarán cubertos especialmente na franxa atlántica e con máis claros no interior da comunidade. O domingo a tónica será parecida, segundo Meteogalicia, aínda que a previsión, a varios días vista, aínda pode cambiar.
Galicia, TIEMPO PREVISTO/TEMPO ESPERADO, https://t.co/NB4qNPsn9q pic.twitter.com/CZeFkG5iog
— AEMET_Galicia (@AEMET_Galicia) June 30, 2021