Galicia quedará estes días festivos baixo a influencia de altas presións, con circulación de ventos do norte e o nordeste que farán baixar as temperaturas, deixarán xeadas no interior e ceos despexados en xeral, segundo a predición de Meteogalicia.
Durante o día de Nadal, Galicia seguirá baixo a influencia anticiclónica, con circulación do nordés. Os ceos seguirán pouco nubrados ou despexados en xeral, con alternancia de nubes e claros no terzo norte e con posibilidade de chuvascos ocasionais na Mariña. Os ventos soprarán moderados en xeral, con intervalos fortes no litoral noroeste.
Comezamos unha secuencia de tres días predominantemente secos (soamente con algúns chuvascos illados no terzo norte)☀️pero con temperaturas baixas🥶🧥No mapa das mínimas rexistradas hoxe vemos como xeou en moitas zonas de interior. Valor mínimo-5.6ºC #Xares #AVeiga
— MeteoGalicia (@MeteoGalicia) December 24, 2020
Bo Nadal!!!🎄 pic.twitter.com/dLngZsBBBA
A situación manterase practicamente igual o sábado, aínda que o domingo chegará unha fronte moi activa a Galicia que deixará choivas intensas.