martes. 07.12.2021 |
El tiempo
martes. 07.12.2021
El tiempo

A borrasca Alex manterase en Galicia este domingo aínda que con menos forza

El Tiempo (04.10.20)
As temperaturas mínimas terán un lixeiro ascenso e as máximas manteranse sen cambios

A borrasca Alex aínda afectará este domingo a Galicia, aínda que comezará a rebaixar a súa intensidade tanto en ventos como en ondada, segundo Meteogalicia.

O instituto meteorolóxico prognostica que tras o paso desa fronte durante a noite do sábado ao domingo, proseguirá a inestabilidade atmosférica.

Así, prevé que durante o domingo haxa intervalos nubrados con chuvascos localmente tormentosos, aínda que as temperaturas mínimas terán un lixeiro ascenso e as máximas manteranse sen cambios. Por cidades, en Lugo os termómetros caerán ata os 9 graos e ata os 10 en Santiago; mentres tanto, alcanzarán os 19 ao longo da xornada en Pontevedra, Vigo e Ourense.

Os ventos serán de compoñente oeste, fortes no litoral e en zonas altas, e moderados no resto do territorio galego, aínda que no mar manteranse con forza 7 da escala Beaufort, que equivale a 50-60 quilómetros por hora.

Así mesmo, a ondada podería superar os catro metros de tarde, segundo Meteogalicia.

A borrasca, que previsiblemente se despraza cara ao norte Francia, azouta desde este venres a España con intensas choivas, fortes ventos e ondada en moitos puntos do país, sobre todo en oito comunidades autónomas, incluída Galicia.

A borrasca Alex manterase en Galicia este domingo aínda que con...
Comentarios