O martes será un día en transición en Galicia no que se irá perdendo a influencia das altas presións coa chegada dunha fronte pola tarde.

As nubes matinais iranse desfacendo e os ceos quedarán pouco nubrados ou despexados, con algunhas nubes de tipo alto. Co avance da tarde aumentarán as nubes ao noroeste onde se producirán choivas débiles.

O vento soprará frouxo de compoñente oeste, con intervalos fortes no litoral norte.

As temperaturas mínimas descenderán lixeiramente mentres que as máximas ascenderán lixeiramente.