As nubes da mañá darán paso aos claros da tarde ao longo deste mércores en Galicia

As temperaturas ascenden lixeiramente na comunidade, tanto as mínimas como as máximas ► O vento soprará frouxo de compoñente norte
Predición meteorolóxica para este mércores. METEOGALICIA
photo_camera Predición meteorolóxica para este mércores. METEOGALICIA

Durante a xornada do mércores continuaremos en Galicia baixo influencia anticiclónica, aínda que cos restos dunha fronte rozando o norte da Comunidade á primeira hora.

Así, tras unha mañá de ceos nubrados e algunha chuvia feble na metade norte, a tendencia pola tarde será a apertura de grandes claros.

Respecto ás temperaturas, ascenderán lixeiramente, tanto as mínimas como as máximas. O vento soprará frouxo de compoñente norte.

Temperaturas
A Coruña: 14° - 20°
Ferrol: 14° - 21°
Lugo: 12° - 20°
Ourense: 11° - 25°
Pontevedra: 13° - 23°
Santiago de Compostela: 12° - 22°
Vigo: 13° - 22°

Comentarios